Gorputza Mugimenduan: Gure erakundeak elikatzen.

Boluntariotza eta parte-hartzerako agentzia den Boluntak, Foroa Prestakuntza barruan,  tarte hau eskaini  du azkenengo bi ikasturteetan. Giza erakundeekin zerikusirik duten pertsonei zuzenduta dago. 2015/2016 eta 2016/2017-ko ikasturteetan bi ordutako asteroko saioak eskaini dira, 12 pertsonaz osatutako taldeei. Gehienak giza erakundetako bolondresak edota lankideak izan dira.

Tailer Irekiak

Azkenengo hiru urteetan  “ Gorputzaren Mintzoa” deritzogun saio irekiak eskeini ditut. Batez ere, Crisálida zentroan (Bailén kalea, 5, behekoa ezk.), Bilboko Ibai Irekiko egoitza. Maiztasun desberdinetako saioak izaten dira (astero, hilero, trinkoak).  Aldez aurreko baldintza eta matrikulaziorik gabe eskaintzen dira eta lan honetan interesa duten pertsonei zuzenduta daude. Normalean, ordubete ta erdi edo bi ordutako …

Gehiago irakurri

Esku-hartze terapeutikoa gizarte egitasmoetan

Gizarte esku-hartzean izan dudan ibilbideak (gizarte hezitzaile edota gizarte langilea 23 urtetan izanda) perspektiba eta irizpide sakona eman dit gizarte zailtasunak bizi dituzten kolektiboei gorputzarekin lotutako proposamena eskaintzeko. Proposamena talde txikiagoei zuzenduta dago (6-8 pertsona) eta asteroko saioak izaten dira. Formatu honi esker lanak  jarraipena izaten  du eta aldaketak esanguratsuagoak izaten dira.

Formazio arloetan ekarpena

Gorputzarekiko lanak bat-batekoagoa, intuitiboagoa eta energetikoagoa den ezagupen mota baten garapena ahalbideratzen du. Posiblea egiten du tentsioak askatzea, epaiak erortzen uztea, eta bestelako ikasketetara zabaltzea. Ahalegin intelektual handiko eremuetan , arreta globala eskatzen duten eremuetan , edo elkar ezagutzen ez duten pertsonek osatzen duten formazio taldeetara begira erabateko osagaia dela sinesten dut.